کچہ میں ڈاکوئوں کیخلاف آپریشن جاری‘ کانسٹیبل شہید

راجن پور(نمائندہ جنگ)راجن پور ضلع کچہ کے علاقے میں ڈاکوئوں کے خلاف پولیس آپریشن جاری ‘کانسٹیبل شہید ہو گیا ۔مقابلہ کے دوران کانسٹیبل راؤ محمد سلیم شہید کی نماز جنازہ ادا کر دی گئی ۔کانسٹیبل راؤ محمد سلیم شہید کی نماز جنازہ گزشتہ روز 11:30 پر پولیس لائن میں ادا کی گئی۔ نماز جنازہ میں سیاسی و سرکاری اہم شخصیات نے شرکت کی جن میں رکن قومی اسمبلی این اے 194 سردار نصراللہ خان دریشک ‘ایڈیشنل آئی جی جنوبی پنجاب احسان صادق ایڈیشنل، آر پی او ڈیرہ غازی خان محمد سلیم، ڈپٹی کمشنر راجن پور جمیل احمد جمیل، ڈسٹرکٹ پولیس آفیسر راجن پور احمد محی الدین، محمد اختر ڈسٹرکٹ پولیس آفیسر رحیم یار خان، جام محمد آفتاب کمانڈنٹ آفیسر باڈر ملٹری پولیس راجن پور ، ایس ڈی ی او سرکل روجھان شہنشاہ احمد چانڈیہ، ڈی ایس پی بنگلہ اچھا مرتضی سیال اور تمام سرکل کے ڈی ایس پیز ، ایس ایچ او ابرار احمد برمانی سمیت ڈسٹرکٹ کے تمام ایس ایچ اوز نے شرکت کی ۔: راؤ محمد سلیم 3بچوں کے باپ اور پارکو ڈیپارٹمنٹ میں ڈرائیور تھے۔ فیلڈ میں جاتے ہوئے نا معلوم ڈاکوؤں کی جانب سے فائرنگ کر کے شہید کیا گیا‘واضح رہے کہ ان کے والد بھی شہید ہوئے تھے۔