سکندرآباد،لڑکی کے گھروالوں کا لڑکے پر تشدد، سرکے بال‘بھنویں مونڈ دیں

سکندرآباد(نامہ نگار) سکندرآباد میں لڑکے کو لڑکی سے ملنا مہنگا پڑ گیا،لڑکی کے اہل خانہ نے لڑکے کو رنگے ہاتھوں پکڑ لیا، ہاتھ پاؤں رسیوں سے باندھ کر رات بھر تشدد کرتے رہے سر کے بال مونچھیں بھنویں کے بال بھی کاٹ دیئے، تشدد کی ویڈیوبھی بناتے رہےنوجوان بے ہوش ہوکر ہسپتال منتقل۔ تفصیل کے مطابق سکندرآباد چاہ گھانور والے کےرہائشی سیکنڈ ائیر کے طالب علم عاصم کو اسکی دوست نے رات کو گھر پرملنے کے لیے کال کی، عاصم ملنے کے لیے رات کو اس کے گھر پہنچ گیا،اس دوران گھر والوں کی آنکھ کھل گئی اور انہوں نے دونوں کو پکڑ لیا۔ انہوں نے اہل علاقہ کے ہمراہ عاصم کو پکڑ کر اس کے ہاتھ پاؤں رسیوں سے باندھ دیئے اور رات بھر اس پر تشدد کرتے اور اس کی ویڈیو بھی بناتے رہے۔ عاصم کے سر کے بال مونچھیں اور بھنووں کے بال بھی کاٹ دیئے۔ ذرائع کے مطابق اس ویڈیو کو سوشل میڈیا پر بھی وائر ل کردیا اطلاع ملتے ہی تھانہ سٹی پولیس موقع پر پہنچ گئی اور زخمی عاصم کو سول ہسپتال منتقل کرکے ملزمان نیازاحمدُ محمدشہزاد‘ عبدالماجد‘ محمدجاوید‘زوار‘ حاجی محمد‘ اسماعیل‘ زوار حسین‘ شبیر احمد کے خلاف مقدمہ درج کرکے ان کی گرفتاری کے چھاپے مارے جارہے ہیں۔ متاثر ہ طالب علم کے والد خادم حسین نے اعلیٰ احکام سے اپیل کی ہے کہ ملزمان کے خلاف سخت سے سخت کارروائی جائے۔