کچاکھوہ میں چھٹی جماعت کا طالب علم کرنٹ سے جاں بحق، دولاشیں برآمد

ملتان،رحیم یار خان،کچا کھوہ،صادق آباد (سٹی رپورٹر،نامہ نگار)کچاکھوہ میں چھٹی جماعت کا طالب علم کرنٹ لگنے سے جاں بحق ہوگیا جبکہ دولاشیں ملی ہیں۔ تفصیل کے مطابق کچاکھوہ19 غربی کے رہائشی محمد عرفان کا بارہ سالہ بیٹا محمد اسد جو کہ چھٹی جماعت کا طالب علم تھا گزشتہ روز اپنے گھر کے فریج کھولنے لگا تو اس میں بجلی کرنٹ آگیا اور جھٹکا لگا تو اس کو کچاکھوہ سول ہسپتال میں لایا گیا لیکن وہ جانبر نہیں ہوسکا۔ دوسری جانب گزشتہ روز علی ٹاؤن کے نزدیک سے نامعلوم شخص کی لاش ملی ہے۔ شناخت نہ ہونے پر لاش کو ہسپتال کے سرد خانہ منتقل کردیاگیا۔ پولیس ذرائع کے مطابق نامعلوم نوجوان نشے کی لت میں مبتلا تھا۔ادھر چلڈرن ہسپتال کے قریب سے نامعلوم شخص مردہ حالت میں پایاگیا جس کی اطلاع پاکر پولیس نے موقع پر پہنچ کر نامعلوم جس کی شناخت نہ ہوسکی جوبظاہر نشئی معلوم ہواکی نعش قبضے میں لیکر اہلخانہ کی تلاش کے لئے کارروائی شروع کردی ۔