اوپیک پلس کا تیل کی یومیہ پیداوار میں ایک لاکھ بیرل کے معمولی اضافے پر اتفاق

جدہ، لندن (خبر ایجنسی، اے ایف پی) اوپیک پلس نے تیل کی یومیہ پیداوار میں ایک لاکھ بیرل کے اضافے پر اتفاق کرلیا ہے،عالمی منڈی میںبرینٹ نارتھ سی کروڈ کی قیمت میں2.8فیصد کمی، فی بیرل 94.09ڈالر ہوگئی۔غیرملکی میڈیا کے مطابق تیل پیدا کرنے والے ممالک کی تنظیم اوپیک پلس تیل کی یومیہ پیداوار میں ایک لاکھ بیرل کا اضافہ کررہی ہے، اوپیک پلس نے کہاہے کہ تیل پیدا کرنے والے ممالک کے پاس خام تیل کی پیداوار میں زیادہ اضافے کی گنجائش نہیں ،اوپیکس پلس کے فیصلے کے مطابق 23 ممالک پر مشتمل تنظیم اگلے ماہ تک خام تیل کی روزانہ پیدوار سات لاکھ 48 ہزار بیرل تک بڑھائے گی۔تجزیہ کاروں نے اس معمولی اضافے کو امریکی صدر جوبائیڈن کے لیے مایوس کن قرار دیا ہے۔امریکی صدر جوبائیڈن نے سعودی عرب کے دورے پر سعودی قیادت سے تیل کی بڑھتی قیمتوں سے نمٹنے کے لیے پیداوار بڑھانے کا مطالبہ کیا تھا۔دوسری جانب عالمی منڈی میںتیل کی قیمتوں میں کمی دیکھی گئی ہے،برینٹ سی نارتھ کروڈ 2.8فیصدکمی کیساتھ 94.09 ڈالر فی بیرل اور ویسٹ ٹیکساس انٹر میڈیٹ2.6 فیصد کمی کیساتھ 88.32ڈالر فی بیرل ہوگئی۔