والد نے کہا تھا گولڈ میڈل جیتے تو تمہاری شادی کروں گا، نوح دستگیر بٹ

بر منگھم( نمائندہ خصوصی) کامن ویلتھ گیمز میں پاکستان کے لئے گولڈ میڈل جیتنے والے ویٹ لفٹر نوح دستگیر بٹ نے کہا ہےکہ والد نے کہا تھا کہ کامن ویلتھ گیمز میں گولڈ میڈل جیتنے میں کامیا ب رہے تو تمھاری شادی کروں گا، جنگ سے بات چیت کرتے ہوئے 24سالہ ویٹ لفٹر نے کہا کہ گولڈ کوسٹ کے کامن ویلتھ گیمز میں برانز میڈل جیتا تو والد سخت ناراض ہوئے تھے انہوں نے کئی دن مجھ سے بات چیت نہیں کی، میرے والد غلام دستگیر بٹ خود بھی انٹر نیشنل ویٹ لفٹر ہیں اور وہی میرے کوچ بھی ہیں،میرا چھوٹا بھائی حنزیلا نوح بٹ بھی کامن ویلتھ گیمز میں موجود ہے جو اپنا مقابلہ جیت نہیں سکا،نوح دستگیر کی دو بہنیںبھی ہیں جو ان کی تیاری اور کام یابی کے لئے دعا گوں رہتی ہیں، نوح دستگیر نے کامن ویلتھ گیمز کے گولڈ میڈل کو اپنے والد کے نام کرتے ہوئے کہا کہ اب میری نظر 2024 کے اولمپکس گیمز پر مرکوز ہے۔