حکومت پاکستان نے بھی سوشل میڈیاپلیٹ فارم ٹک ٹاک پر اپنا اکائونٹ بنالیا

لاہور(اپنے نامہ نگار سے) حکومت پاکستان نے بھی سوشل میڈیا پلیٹ فارم ٹک ٹاک پر اپنا اکائونٹ بنالیا ہے۔ڈیجیٹل میڈیا کیلئے وزیراعظم شہباز شریف کے فوکل پرسن ابوبکر عمر نے حکومت پاکستان کے نئے بنائے گئے ٹک ٹاک اکائونٹ کا لنک https:/ / www .tiktok .com/ @govtofpakistan1شیئر کرتے ہوئے صارفین سے اسے فالو کرنے کی درخواست کی۔سرکاری ٹک ٹاک اکائونٹ پر وزیراعظم شہباز شریف کے حالیہ دورہ بلوچستان اورخیبرپختونخوا ہ کی ویڈیوز اپ لوڈ کی گئی ہیں، ویڈیوز میں جہاں وزیراعظم کو سیلاب متاثرین سے ملاقات کرتے ہوئے دکھایا گیا ہے وہیں ان کی امداد کے لیے کیے گئے مختلف اعلانات کو بھی نمایاں کیا گیا ہے۔