جو بیان حلفی میں جھوٹ بولتا ہو اسے ملک چلانےدیں؟ مصدق ملک

اسلام آباد (این این آئی)وزیرمملکت مصدق ملک نے کہاہے کہ تحریک انصاف کی اے ٹی ایمز ہیں اور کہتے ہیں صاف چلی شفاف چلی ،جو بیان حلفی جھوٹا دے اس کو ملک کیسے چلانے دیں ؟۔ ایک شخص جس نے نوسربازی کا نظام بنایا ہوعمران کے اردگرد ہرشخص مشکوک ہو ،عمران خان نے سب سے پہلے ایک سکیم میں کالادھن صاف کروایا۔میڈیا سے گفتگو کرتے ہوئے انہوں نے کہاکہ فارن فنڈنگ کی ساری تحقیقات پی ٹی آئی دور میں ہوئیں،عمران خان نے گورنر سٹیٹ بنک لگایا، انہوں نے ہی ریکارڈ الیکشن کمیشن کو دیا، کیا وہ بھی جھوٹ بول رہے ہیں؟ ،چیف الیکشن کمشنر عمران خان نے لگایا، کیا وہ بھی جھوٹ بول رہے ہیں؟،عمران خان بیرونی ہاتھوں میں کٹھ پتلی ہیں ، کالادھن سے پارٹی بنائی گئی۔ کسی کو شوکت خانم دکھایا اور چندہ لے لیا ،ہم کہتے تھے عمران خان کٹھ پْتلی وزیراعظم ہے اب پتا چلا کہ وہ کس کا کٹھ پْتلی تھا۔ اس وقت مرزا شہزاد اکبر کدھر ہیں ؟،لندن جاکر ایک خفیہ معاہدہ کیا ۔ عارف نقوی نے دو ملین پاؤنڈ دے دئیے ۔