میلسی، جرائم پیشہ افراد کا قبرستان پر قبضہ، اہل علاقہ سراپا احتجاج

میلسی (نامہ نگار) جرائم پیشہ افراد کا قبرستان پر قبضہ، اہل علاقہ سراپا احتجاج، موضع فدہ بستی رمولہ وگردونواح کے سیکڑوں افراد نے احتجاج کرتے ہوئے کہا کہ مقامی قبرستان پرجرائم پیشہ افراد نے قبضہ کررکھا ہے، قبروں پر جانور باندھ رکھے ہیں اور قبرستان میں آئے روز رقص و موسیقی کے پروگرامز کروائے جاتے ہیں،اہل علاقہ نے جنازہ گاہ بنانا شروع کی تو قبضہ گروپ جنازہ گاہ کی تعمیرکی راہ میں رکاوٹ بن گیا، اہل علاقہ نے چیف جسٹس آف پاکستان، وزیر اعظم، وزیر اعلیٰ اور آرپی او ملتان سے مطالبہ کیا ہے کہ فوری نوٹس لیتے ہوئے جرائم پیشہ افراد کی سرپرستی کرنے اور جنازہ گاہ کی تعمیرات میں رکاوٹ بننے والوں کے خلاف کارروائی اور قبرستان واگزار کروانے کا مطالبہ کیا ہے۔