مظفرگڑھ تا علی پور روڈ پر گڑھوں کو بھرنے کا کام شروع

خان گڑھ ( نامہ نگار) ڈپٹی کمشنر مظفرگڑھ کی ہدایت پر پراونشنل ہائی وے مظفرگڑھ نے مظفر گڑھ تا علی پور روڈ پر پڑھے گڑھوں کو بھرنے کا کام شروع کردیا ہے اس بابت قبل ازیں پیرجہانیاں چوک پر گڑھے کو پُر کیا گیا جبکہ گزشتہ روز وسندیوالی میں بھی گڑھے پُر کرنے کیلئے عملہ کام کرتا رہا ہے، دریں اثناء ہائی وے روڈانسپکٹر ملک عباس نے بتایا کہ ایکسین ہائی وے اور ایس ڈی او ہائی وے کے حکم پر قومی شاہراہ پر پڑنے والے گڑھوں کو پُر کیا جا رہا ہے جبکہ گڑھوں کی مکمل مرمت کے لئے عنقریب فنڈز کا اجراء بھی جاری کردیا جائے گا ۔