REITرئیل سٹیٹ کو دستاویزی بنانے میں مدد کرسکتا ہے، عارف حبیب

کراچی (سٹاف رپورٹر) رئیل اسٹیٹ انوسمنٹ ٹرسٹ(آر ای آئی ٹی )ملک میں رئیل اسٹیٹ کو دستاویزی بنانے کا مسئلہ حل کر سکتا ہے ، آرای آئی ٹی کے ریگولیشن میں بہتری کے بعد اب اس سیکٹر میں تیزی آئی ہے ،ہم نے مشارکہ طریقہ کے تحت مکمل اسلامی طریقے سے مارگیج فنانسنگ کی سہولت فراہم کر دی ہے ،مشارکہ رئیل اسٹیٹ کو متوسط طبقے کے لئے زیادہ قابل قبول بنا دے گا ، ملک میں مشارکہ کے لئے ماحول بتدریج بہتر ہو تا جائے گا۔ ان خیالات کا اظہار عارف حبیب گروپ کے چیئرمین عارف حبیب نے گلوبل ریذیڈنسی آر ای آئی ٹی اور میزان بینک کے درمیان مشارکہ معاہدے کی تقریب سے خطاب کرتے ہوئے کیا ،تقریب سے میزان بینک کے سی ای او عرفان صدیقی ،سی ای او سی ڈی سی بدیع الدین اور دیگر نے بھی خطاب کیا ۔