ٹرانسفارمر چوری کے ملزمان گرفتار،چائلڈ لیبر پر دو افراد کیخلاف مقدمہ

ملتان (سٹاف رپورٹر)سپریٹنڈنگ انجینئر آپریشن میپکو مظفرگڑھ سرکل فرحان شبیر ملک نے کہا ہے کہ خان گڑھ پولیس نے ٹرانسفارمرز چوری کرنے والے گروہ کے ارکان کو گرفتارکرلیا ہے۔موٹرسائیکل پر جعلی نمبرپلیٹ لگانے کے الزام میں پولیس نے ایک شخص کو گرفتارکرکے مقدمہ درج کرلیا۔چائلڈ لیبر ایکٹ کی خلاف ورزی کرنے پر پولیس نے دوافرادکے خلاف مقدمات درج کرلئے۔فوڈ ایکٹ کی خلاف ورزی کرنے کے الزام میں پولیس نے ایک شخص کو گرفتارکرکے مقدمہ درج کرلیا۔پولیس نے لین دین کے معاملات میں رقم کی ادائیگی کے لیے شہریوں کو بوگس چیک دینے کے الزام میں دوافرادکے خلاف مقدمات درج کرلیے ہیں تفصیل کے مطابق ممتازآبادپولیس کو حنیف نے بتایا کہ ملزم محی الدین نے مجھ سے 1کروڑ کی رقم لیکر پیسوں کی بابت چیک دیا جو مقرر وقت پر ڈس آنر ہوگیا جبکہ حرم گیٹ پولیس کو محمد آصف نے بتایا کہ ملزم علی رضا نے مجھ سے ادھار کی مد میں 55لاکھ50ہزار وصول کرکے بوگس چیک دیا پولیس نے ملزمان کے خلاف مقدمات درج کرکے کارروائی شروع کردی۔