ملتان (سٹاف رپورٹر)ڈپٹی کمشنر طاہر وٹو نے کہا ہے کہ ضلعی انتظامیہ نے 14 اگست یوم آزادی کی ہفت روزہ تقریبات بھرپور انداز میں منانے کا فیصلہ کیا ہے اس سلسلے میں ضلعی محکموں کو تقاریب کے اہتمام کرنے کا ٹاسک دے دیا گیا ہے انہوں نے کہا کہ آج 5 اگست کو یوم استحصال کشمیر کے موقع پر ریلیاں بھی نکالی جائیں گی۔ان خیالات کا اظہار انہوں نے گزشتہ روز یوم آزادی کے سلسلے میں اجلاس کی صدارت کرتے ہوئے کیا۔ڈپٹی کمشنرنے کہا کہ 14 اگست کو آرٹس کونسل میں قومی سطح کا مشاعرہ کرایا جائے گا جس میں ملک کے نامور شعراء کو مدعو کیا جائے گا ، میراتھن دوڑ،سائیکل ریس سمیت مختلف مقابلے بھی جشن آزادی تقاریب کا حصہ ہونگے ۔ سرکاری و نجی عمارتوں پر سجاوٹ،تقاریری مقابلے اور ثقافتی سٹال بھی لگائے جائیں گےڈپٹی کمشنر کا مزید کہنا تھا کہ قومی پرچم کشائی کی مرکزی تقریب ڈپٹی کمشنر آفس میں ہوگی جبکہ یوم آزادی کے موقع پر کمرشل و نجی عمارتوں کی سجاوٹ پر انعامات بھی دیے جائیں گے۔