سرکاری ونجی سکولوں میں ڈینگی پھیلنے کا خدشہ،زیرو پریڈ لازمی قرار

ملتان(سٹاف رپورٹر) سرکاری ونجی سکولوں کے بچوں میں ڈینگی وباء پھیلنے کا خدشہ ہے، محکمہ تعلیم نےسکولوں میں ڈینگی سے بچائو کیلئے زیرو پریڈ کا انعقاد لازمی قرار دے دیا ہے،بتایاگیا ہے کہ سرکاری ونجی دونوں سکولز میں زیرو پریڈ کا انعقاد لازمی کروایا جائے گا،زیرو پریڈ کے حوالے سے سکولوں کی باقاعدگی سے مانیٹرنگ کی جائے گی، بچوں کو ڈینگی کی آگاہی کے حوالے سے بنائی گئی تصاویر روزانہ محکمہ سکول ایجوکیشن کو بھجوائی جائیں گی،احکامات پر سو فیصد عمل نہ کرنے والے سکول سربراہان کیخلاف کارروائی کی جائے گی۔