وزیراعظم نے مجھے مفت تعلیم دلوانے کا حکم دیا،انکا بہت شکریہ:بلوچ بچہ

کوئٹہ (جنگ نیوز) وزیراعظم شہباز شریف کی بلوچستان میں سیلاب سے متاثر ایک بچے کے ساتھ بات چیت کی ویڈیو وائرل ہوئی۔جیونیوز کے مطابقشہباز شریف جب قلعہ سیف اللہ پہنچے تھے تب متاثرین سے ملاقات کے موقع پر ایک بچے نےوزیر اعظم سے اپنے علاقے میں ناقص تعلیم کے نظام کی شکایت کی تھی کہ سرکاری سکول میں اگر ہم جائیں تو وہاں اساتذہ نہیں آتے یا وقت پر نہیں آتے ،وزیر اعظم کے پر طالب علم نے بتایا کہ ʼتھوڑا ٹیچر کی مدد سے تعلیم حاصل کی اور کچھ ٹیوشن پر جاتا تھا تب شہباز شریف نے کہا ʼاس بچے کو مفت اعلیٰ تعلیم دلوائی جائے اور جہاں یہ بچہ چاہے اسے داخلہ دلوایا جائے۔گزشتہ روز مذکورہ بچے نے بتایا کہ وزیراعظم کی ہدایت پر چیف سیکرٹری نے مجھ سے پوچھا تو میں نے کہا لاہور ایچی سن کالج میں داخل کروادیں،وزیراعظم کا بہت شکریہ انہوں نے مجھے مفت اعلیٰ تعلیم دلوانے کا حکم دیا ہے،میں CSSکرکے سیکرٹری بنوں گا اور لوگوں کی خدمت کرونگا۔