ایم کیو ایم بحالی کمیٹی اور جی ڈی اے کا بلدیاتی الیکشن کیلئے اتحاد

کراچی (جنگ نیوز) ایم کیو ایم بحالی کمیٹی اور جی ڈی اے بلدیاتی انتخابات کے دوسرے مرحلے سے قبل انتخابی اتحاد کرلیا۔ جی ڈی اے کے سیکرٹری اطلاعات سردار عبدالرحیم نےکہا کہ این اے 245پر فاروق ستار کو سپورٹ کرینگے جبکہ ایم کیو ایم بحالی کمیٹی کے سربراہ ڈاکٹر فاروق ستار نے کہا کہ سندھ کے وسیع تر مفاد میں ساتھ مل کر کام کرینگے ۔ ان خیالات کا اظہار انہوں نے گزشتہ روز پریس کانفرنس کرتے ہوئے کیا ، اس موقع پر سید محمد اسماعیل شاہ راشدی، ایم پی اے حسنین مرزا، سید شفقت حسین شاہ بیریسٹر ارشد بلوچ اور فیصل علی بلوچ اور دیگر بھی موجود تھے۔ سردار عبدالرحیم نے کہا کہ پیپلز پارٹی اپنی شکست کو دیکھتے ہوئے بلدیاتی انتخابات سے فرار چاہتی ہے، صوبائی الیکشن کمیشن پیپلز پارٹی کے گھر کی لونڈی بنی ہوئی ہے۔