اسلام آباد(کامرس رپورٹر )وفاقی وزیر منصوبہ بندی احسن اقبال نے کہا کہ چیئرمین تحریک انصاف عمران خان نے فارن فنڈنگ حاصل کرکے سیاسی تحریک شروع کی ، عمران خان ملک کا خزانہ خالی کرکے معیشت کو تباہ کردیا،عمران خان نے فنڈنگ کیس 8 سال تک التوا میں رکھنے کی کوشش کیوں کی؟ عمران خان نے آئین وقانون کی خلاف ورزی کی۔جمعرات پریس کانفرنس سے خطاب کرتے ہوئے احسن اقبال نے عمران خان کے خطاب پر ردعمل دیتے ہوئے کہا کہ عمران خان اگر صاف اور شفاف تھے تو 8 سال تک اس مسئلے کو طول نہ دیتے، فارن فنڈنگ کیس میں اگر کچھ نہیں تھا تو 8 سال تک آپ نے تاخیری حربے کیوں استعمال کئے ،بلوچستان اور خیبرپختونخوا کے سیلاب زدگان کیلئے آپ کے دل میں کوئی ہمدردی نہیں ہے ، عمران خان نے جب اپریل میں حکومت چھوڑی تو پاکستان کے سری نکا جیسے حالات کی باتیں ہو رہی تھیں ، عمران خان نے کشمیر کا سودا کیا ، عمران خان نے اپنے دورہ حکومت میں سی پیک کو نشانہ بنایا جس سے فنڈنگ بند ہوئی ، عمران حکومت نے 4 سال تک گوادر بندرگاہ کی صفائی کیلئے پیسے نہیں دیئے ، عمران خان نے پاکستان کے آئینی اداروں کے خلاف باتیں کیں ، 3 سال میں ملک کی فوڈ سکیورٹی تباہ کر دی ، مہنگائی کا جن عمران خان بوتل سے نکال کر گئے ۔ ہم پاکستان کو ایک نئے ہٹلر کا یرغمال نہیں بننے دیں گے ، اگر عمران خان صادق اور امین تھے تو اکائونٹس کیوں چھپائے ، عمران خان کو اپنے تمام جرائم پر آئین اور قانون کا سامنا کرنا پڑے گا ، بھارتی شہریوں سے عمران خان فنڈنگ لیتے رہے۔ آج جو ملک میں مہنگائی ہے وہ عمران خان کی وجہ سے ہے، عمراان خان جواب دے کہ وہ آئی ایم ایف سے ایسا معاہدہ کیوں کر کے گیا۔دریں اثناء پاکستان انسٹی ٹیوٹ آف ڈویلپمنٹ اکنامکس کے زیر اہتمام پاکستان کیلئے ایک سالہ ترقی کی حکمت عملی کی افتتاحی تقریب سے خطاب کرتے ہوئےوفاقی وزیر احسن اقبال نے کہا کہ برآمدات کی ترقی میں کامیابی ہے اور حکومت ملک کی برآمدات کو موجودہ 30 ارب ڈالر سے بڑھا کر 100 ارب ڈالر سالانہ تک لے جانے کیلئے اقدامات کر رہی ہے۔ملک کی پائیدار ترقی کے لیے پالیسیوں کا تسلسل ناگزیر ہے۔ انہوں نے تمام سٹیک ہولڈرز اور سیاسی جماعتوں پر زور دیا کہ وہ متحد ہو کر چارٹر آف اکانومی تیار کرنے کے لیے کردار ادا کریں اور پاکستان کی معاشی ترقی کیلئےمضبوط معاشی پالیسیاں تیار کریں۔
کراچی جیوکےپروگرام ’’نیا پاکستان شہزاد اقبال کیساتھ ’’میں گفتگو کرتے ہوئے صدر آل پاکستان انجم تاجران...
اسلام آباد قومی ایئر لائنز کی فضائی میزبان حنا ثانی کی کہانی میں نعمان نامی نیا کردار سامنے آگیا، نعمان ...
اسلام آباد چین کے تعاون سے پاکستان ریلوے کو سولر انرجی پر منتقل کرنے کا منصوبہ تیار کیا جا رہا ہے تاکہ بھاری...
حیدر آباد حیدرآباد میں 10 گھنٹے کے دوران 3 پولیس مقابلوں میں 2 ڈاکو ہلاک اور ایک کو زخمی حالت میں گرفتار کرلیا...
واشنگٹن سابق امریکی صدر ڈونلڈ ٹرمپ کا کہنا ہےکہ روس یوکرین جنگ، اسرائیل ایران کشیدگی سے عالمی جنگ کا خدشہ...
اسلام آباد وزیراعظم شہباز شریف نے پنجاب اور بلوچستان میں بارشوں اور آسمانی بجلی گرنے کے واقعات کے نتیجے...
کراچی 6ایڈیشنل ججز نے مستقل جج کے طور پر حلف اٹھا لیا،سندھ ہائیکورٹ میں مستقل ججز کی تعداد 32ہوگئی۔ حلف اٹھانے...
لاہور تعلیمی بورڈز میں مستقل چیئرمینوں کی تعیناتی کا فیصلہ نہ ہو سکا، جولائی 2022سے کمشنرز کو عارضی چارج دے کر...