اسلام آباد(کامرس رپور ٹر ،نامہ نگار خصوصی ) یورپی یونین نے پاکستان کیلئے ساڑھے 26کروڑ یورو کی لاگت کے ای یو ملٹی اینول انڈیکیٹو پروگرام(2021تا 2027) کا آغازکردیاہےاس ضمن میں پاکستان میں یورپی یونین کی سفیرڈاکٹررینا کیونکا اورسیکرٹری اقتصادی امورڈویژن میاں اسد حیاء الدین نے دستاویزات کاتبادلہ کیا۔ابتدائی طورپر یورپی یونین کی جانب سے پاکستان کو2024 تک کی مدت میں ساڑھے 26کروڑ یورو کی گرانٹ فراہم کی جائیگی۔سیکرٹری اقتصادی امورڈویژن میاں اسدحیاء الدین نے اس موقع پرکہاکہ یورپی یونین وژن 2025 کے اہداف کے حصول میں اس گرانٹ کے ذریعہ پاکستان کی معاونت کرے گی۔انہوں نے کہا کہ ای یو ملٹی اینول انڈیکیٹو پروگرام کے ذریعہ یورپی یونین کی مجوزہ ٹیم یورپی تجربات سے استفادہ کرتے ہوئے پاکستان کے ساتھ معاونت کرے گی، اس پروگرام میں ماحول دوست اقتصادی بحالی اورروزگارکے مواقع کی فراہمی پرتوجہ مرکوزکی جائیگی۔ای یو ملٹی اینول انڈیکیٹو پروگرام پاکستان کے اقتصادی اورسماجی ترجیحات کے مطابق ترتیب دیاگیاہے۔وفاقی وزیراقتصادی امورسردارایازصادق، پاکستان میں یورپی یونین کے حکام اورسینئرآفیسران بھی اس موقع پرموجودتھے۔ دریں اثناوفاقی وزیراقتصادی امورسردارایازصادق نے یورپی یونین کی سفیرڈاکٹر رینا کیونکا سے گفتگو کرتے ہوئے کہاہے کہ پاکستان اوریورپی یونین کے درمیان دیرینہ ترقیاتی شراکت داری اورتعاون ہے ، پاکستان یورپی یونین کے ساتھ تعلقات کومزید فروغ دینے کامتمنی ہے ۔وفاقی وزیرنے یورپی یونین کی سفیرکوملک میں حالیہ بارشوں اورسیلاب کی صورتحال پربریفنگ دی ، انہوں نے قدرتی آفت میں ڈونرزکے درمیان رابطہ کاری کیلئے اقدامات سے بھی آگاہ کیا۔ یورپی یونین کی سفیرنے ان کوششوں کوسراہا ، انہوں نے پائیدارترقیاتی اہداف کے حصول میں رابطوں کوموثربنانے کی ضرورت پربھی زوردیا۔
کراچی جیوکےپروگرام ’’نیا پاکستان شہزاد اقبال کیساتھ ’’میں گفتگو کرتے ہوئے صدر آل پاکستان انجم تاجران...
اسلام آباد قومی ایئر لائنز کی فضائی میزبان حنا ثانی کی کہانی میں نعمان نامی نیا کردار سامنے آگیا، نعمان ...
اسلام آباد چین کے تعاون سے پاکستان ریلوے کو سولر انرجی پر منتقل کرنے کا منصوبہ تیار کیا جا رہا ہے تاکہ بھاری...
حیدر آباد حیدرآباد میں 10 گھنٹے کے دوران 3 پولیس مقابلوں میں 2 ڈاکو ہلاک اور ایک کو زخمی حالت میں گرفتار کرلیا...
واشنگٹن سابق امریکی صدر ڈونلڈ ٹرمپ کا کہنا ہےکہ روس یوکرین جنگ، اسرائیل ایران کشیدگی سے عالمی جنگ کا خدشہ...
اسلام آباد وزیراعظم شہباز شریف نے پنجاب اور بلوچستان میں بارشوں اور آسمانی بجلی گرنے کے واقعات کے نتیجے...
کراچی 6ایڈیشنل ججز نے مستقل جج کے طور پر حلف اٹھا لیا،سندھ ہائیکورٹ میں مستقل ججز کی تعداد 32ہوگئی۔ حلف اٹھانے...
لاہور تعلیمی بورڈز میں مستقل چیئرمینوں کی تعیناتی کا فیصلہ نہ ہو سکا، جولائی 2022سے کمشنرز کو عارضی چارج دے کر...