مونس الٰہی کی ملاقات،عمران خان نے پنجاب کابینہ میں ق لیگ کونمائندگی دینے کی منظوری دیدی

05 اگست ، 2022

اسلام آباد (خبر نگار) سابق وفاقی وزیر چوہدری مونس الٰہی نے چیئرمین تحریک انصاف عمران خان سے ملاقات کی۔ عمران خان کی رہائش گاہ بنی گالہ میں ہونیوالی ملاقات میں دونوں رہنماؤں نے سیاسی صورتحال ،باہمی دلچسپی اور پنجاب کابینہ سے متعلق امور پر تبادلہ خیال کیا۔ ذرائع کے مطابق دوران ملاقات عمران خان نے دوسرے مرحلے میں پنجاب کابینہ میں ق لیگ کو نمائندگی دینے کی منظوری دیدی ہے۔ ادھر چوہدری مونس الٰہی نے اپنے ٹویٹر اکاونٹ پر ملاقات کے حوالے سے لکھا کہ عمران خان نے ہمیں وزیراعلیٰ بنایا ، انہیں یقین دلایا کہ مزید کچھ نہیں چاہئے۔ عمران خان کی مہربانی ہے کہ دوسرے مرحلے میں ق لیگ کو صوبائی وزارتیں دینے کی منظوری دی۔