حکومت اقتصادی ترقی کیلئےادارہ جاتی اصلاحات پر توجہ دے رہی ہے، وزیر خزانہ

اسلام آباد(کامرس رپور ٹر ) وزیر خزانہ ومحصولات مفتاح اسماعیل نے کہاہے کہ حکومت پائیداراورجامع اقتصادی ترقی کیلئے موثرڈھانچہ جاتی اصلاحات پربھرپورتوجہ دے رہی ہے،انہوں نے ان خیالات کا اظہارپاکستان میں ایشیائی ترقیاتی بینک کی سابق کنٹری ڈائریکٹرژیاوہونگ ینگ کی قیادت میں وفد سے گفتگوکرتے ہوئے کیا اس موقع پرپاکستان میں ایشیائی ترقیاتی بینک کے کنٹری ڈائریکٹر یانگ یی اوردیگرسینئرآفسران بھی موجود تھے،وزیرخزانہ نے وفدکاخیرمقدم کیا اورپاکستان میں مختلف شعبوں میں اصلاحاتی ایجنڈا پرعمل درآمدمیں بینک کے کردارکا اعتراف کیا،وزیرخزانہ نے وفد کوموجودہ حکومت کی ترجیحات سے آگاہ کیا، وفد نے پاکستان میں توانائی سمیت مختلف شعبوں میں بینک کی معاونت سے ہونیوالے منصوبوں پرپیشرفت سے وزیرخزانہ کوآگاہ کیااوربتایا کہ بینک نے پاکستان کیلئے کنٹری پارٹنرشپ حکمت عملی مرتب کی ہے جوحکومت پاکستان کی ترجیحات کے عین مطابق ہے،وزیرخزانہ نے پاکستان میں مختلف شعبوں میں معاونت فراہم کرنے پر ایشیائی ترقیاتی بینک کے وفد کاشکریہ اداکیااور بینک کی معاونت سے جاری منصوبوں کی جلدتکمیل تکمیل میں وفد کومکمل تعاون کا یقین دلایا۔