کراچی(نمائندہ جنگ)صوبائی وزیر اطلاعات سندھ شرجیل انعام میمن نے کہا ہے کہ وفاقی حکومت چاہے تو عمران خان کو فوراً گرفتار کرکے سلاخوں کے پیچھے ڈال سکتی ہے عمران خان پاکستان کے عوام اور اپنے ورکرز کے کٹہرے میں اب مجرم ثابت ہوچکے ہیں، عمران خان کو جرائم پیشہ افراد نے فنڈنگ کی ہے ،اگر ملک میں قانون اور آئین ایک ہے تو عمران خان نااہل ہوچکے ، پی ٹی آئی کالعدم جماعت بن چکی ہے۔ عمران خان اور ان کے حواریوں کو کم از کم سات سال تک سزا ہوسکتی ہے۔لیکن لاڈلے کے لئے قانون الگ ہے تو پھر الگ بات ہے۔ ان خیالات کا اظہار انہوں نے سندھ اسمبلی میں پریس کانفرنس سے خطاب کرتے ہوئے کیا ۔ صوبائی وزیر جنگلات نواب تیمور ٹالپر ، رکن سندھ اسمبلی گھنور خان اسران بھی اس موقع پر موجود تھے۔ شرجیل انعام میمن نے کہا ہے کہ عمران خان پاکستان کے عوام اور اپنے ورکرز کے کٹہرے میں اب مجرم ثابت ہو چکے ہیں، الیکشن کمیشن نے صرف سزا نہیں سنائی باقی پورا کچا چٹھا چارج شیٹ عمران خان اور پی ٹی آئی کیخلاف دے دیا ہے۔ قانون اور آئین کے مطابق عمران خان نااہل ہوچکے ۔ ثبوت موجود ہیں عمران خان نے سنگین جرائم میں ملوث افراد سے فنڈنگ لی ، جس میں انٹرنیشنل ڈرگ پیڈلرز بھی شامل ہیں۔ انہوں نے مزید کہا کہ وہ سمجھتے ہیں کہ پی ٹی آئی اور عمران خان کے خدشات درست تھے کہ اگر فارن فنڈنگ کا فیصلہ آگیا تو عوام کو یہ منہ دکھانے کے قابل نہیں رہیں گے اور نہ ہی سیاست کرنے کے قابل رہیں گے ۔ آٹھ سال تک ان لوگوں نے تمام تاخیری حربے استعمال کیے ، بیک ڈور ، فرنٹ ڈور اور عدالتوں سب طریقے استعمال کئے ، عمران خان نے جو کرنا تھا کر لیا ، اب ان کا لاڈلا پن نہیں چلے گا ۔ شرجیل میمن نے کہا کہ عمران خان کا ایک ہی ایجنڈا ہے کہ ملک میں انارکی پھیلائے ۔ نوجوانوں کو سڑکوں پر لا کر یہ خون خرابا کروانا چاہتا ہے ۔ اگر ان کو نوجوانوں کو سڑکوں پر لانے کا اتنا ہی شوق ہے تو پہلے اپنے بیٹوں کو لائیں ۔ ایک سوال کے جواب میں انہوں نے کہا کہ اس ملک کی عدالتوں کا تحفظ عوام کریں گے ، الیکشن کمیشن کا تحفظ ہماری یعنی عوام کی ذمہ داری ہے ۔کسی مائی کے لال میں ہمت نہیں ہے کہ اداروں پر حملہ کریں ، پرامن احتجاج ہر کسی کا حق ہے ، لیکن اگر سڑکیں بند کی گئی تو سندھ حکومت سخت ایکشن لے گی۔ صوبائی وزیر نے کہا کہ اسلام آباد کا کیس ہے اسلام آباد پولیس عمران خان کو گرفتار کر سکتی ہے، اگر سندھ حکومت کو موقع دیا گیا تو سندھ ان کی اچھی خاطر تواضع کرے گی۔سندھ ویسے بھی مہمان نوازی کے لئے مشہور ہے۔
اسلام آباد سینٹ کا اجلاس دو روز کے وقفہ کے بعد جمعہ کی صبح ساڑھے دس بجے دوبارہ پارلیمنٹ ہائوس میں شروع ہو گا...
اسلام آباد وزیر اقتصادی امور سردار ایاز صادق نے کہا ہے کہ حکومت سیلاب سے متاثرہ علاقوں میں تعمیرنو اور بحالی...
اسلام آباد فری اینڈ فیئر الیکشن نیٹ ورک نے مطالبہ کیا ہے کہ قومی اور صوبائی اسمبلیوں میں خواتین کی مخصوص...
لاہورپنجاب انسٹی ٹیوٹ آف مینٹل ہیلتھ میں پیشنٹ آڈٹ ہوگا ،مریضوں کی صحت کی جانچ پڑتال کی جائے گی ۔صحت مند...
کراچی اپوزیشن سے بدلہ ترجیح ہے، شہباز اور بلاول بھی عمران خان بن گئے ہیں۔ توشہ خانہ، ممنوعہ فنڈنگ یا ٹیریان...
کراچی پاکستان کی نامور اداکارہ سحر خان نے کہا ہے کہ فیصل قریشی کو بچن سے ٹیلی ویژن پر دیکھاہے۔ اب ڈرامے کے...
اسلام آباد وفاقی وزیر خزانہ سینیٹر اسحاق ڈار سے جاپان کے سفیرواڈا مٹسوہیرو سے ملاقات میں کی ،اس موقع پر پر...
اسلام آباد پاکستان دہشتگردی کی عفریت سے نمٹنے کیلئے افغانستان کی عبوری حکومت سے تعاون کی توقع رکھتا ہے اور...