وزیراعظم شہبازشریف کا پولیس فورس کی قربانیوں کو خراج عقیدتویٹلفٹرنوح دستگیر بٹ کو مبارکباد

اسلام آباد(نیوز رپورٹر)وزیراعظم محمد شہباز شریف نے کہا ہے کہ آج ہم اپنی پولیس فورس کو ان کی ڈیوٹی کے دوران قربانیوں پر شاندار الفاظ میں خراج عقیدت پیش کرتے ہیں۔ جمعرات کو اپنے ٹویٹ میں وزیراعظم نے کہا کہ پولیس فورس دہشت گردی کے خلاف جنگ میں پاکستان کی پہلی دفاعی لائن ہے، یہ ہمارے شہدا کا خون ہےجو قوم مضبوط اور ان کا مستقبل محفوظ بناتا ہے۔وزیراعظم شہباز شریف نے ایک اور ٹویٹ میں دولت مشترکہ کھیلوں میں 405کلوگرام کا ریکارڈ وزن اٹھا کر سونے کا تمغہ جیتنے والے پاکستانی ویٹ لفٹر نوح دستگیر بٹ کو مبارکباد دی ہے۔ وزیراعظم شہباز شریف نے پاکستانی ویٹ لفٹر کو’’ویل ڈن بٹ صاحب ‘‘لکھ کر شاباش دی ہے۔