اسلام آ باد(نیوز رپورٹر)وزیراعظم شہباز شریف نے کہا ہےکہ بارشوں اور سیلاب سے متاثرہ آخری فردکے اپنے گھر میں آبادہونے تک چین سے نہیں بیٹھیں گے، 2210کروڑعوام کی مدد ،محنت و تعاون سے پاکستان کوقائداعظم کا عظیم ملک بنانے کے خواب کوعملی جامہ پہنانے کے راستے میں کوئی رکاوٹ یامشکل کھڑی نہیں ہوسکتی، وسائل سے مالا مال ملک کا معاشی طور پر آئی ایم ایف کا غلام ہونا لمحہ فکریہ ہے،تمام جمہوری اور مارشل لا حکومتیں درد دل سے کام لیتیں تویہ حالات نہ ہوتے، ہمیں اس سے محنت اوراتحاد سےنجات حاصل کرنی ہے، متاثرین سیلاب کے مسئلے پر کوئی اختلاف نہیں ،خیبر پختونخوا سمیت تمام صوبائی حکومتوں کیساتھ ملکر خدمت کررہے ہیں،سیلاب متاثرین کی بحالی کیلئے سب کو اجتماعی حصہ ڈالنا ہو گا ، ان خیالات کا اظہار وزیر اعظم نے ڈیرہ اسماعیل خان میں سیلاب سےمتاثرہ علاقوں کے دورہ کے موقع پر کیا،انہوں نے متاثرین سیلاب کی امدای رقم بڑھانے کا اعلان بھی کیا، اس موقع پرجمعیت علما ئے اسلام کےسربراہ مولانا فضل الرحمٰن نے دورہ کرنے پروزیر اعظم کا شکریہ اداکرتے ہوئےکہاکہ نوازشریف نے ترقی کاسفرجہاں چھوڑا تھا جلد وہاں سے آغازکریں گے، وزیراعظم متاثرین سےخطاب کرتےہوئے کہاکہ طوفانی بارشوں اورسیلاب نے تباہی مچادی ہے بلوچستان میں سب سے زیادہ نقصان ہواہے، وفاقی اور صوبائی حکومتوں کا فرض ہے کہ وہ مشکل کی اس گھڑی میں متاثرین کیساتھ کندھے سے کندھاملا کر انکی داد رسی کیلئے کھڑے ہوں، وفاقی حکومت نے زخمیوں کے معاوضے کی رقم 25 ہزار سے بڑھاکر اڑھائی لاکھ، تباہ ہونیوالے گھروں کامعاوضہ 2لاکھ سے بڑھا کر 5لاکھ روپے ، جزوی نقصان پر معاوضہ 25 ہزار سے بڑھا اڑھائی لاکھ روپے کردیاہے، وفاقی حکومت کی جانب سے اموات پر 10لاکھ جبکہ صوبہ 8 لاکھ روپے دے رہا ہے، وزیراعلیٰ خیبر پختونخوا سے کہا ہے کہ رقم بڑھا کر 10 لاکھ روپے کریں، این ڈی ایم اے کے سربراہ سے کہاہے کہ وہ صوبائی ڈیزاسٹر مینجمنٹ سے ملکر مشترکہ سروےکریں، پاک فوج بھی مشترکہ سروے میں تعاون کریگی ہم چاہتے ہیں کہ کسی حقدار کاحق نہ مارا جائےاور ہر ایک تک اس کا حق پہنچے سروے کی تکمیل کے بعد اگلا مرحلہ شروع کرینگے، ضلع ٹانک کے سیلاب سےمتاثرہ علاقوں کےدورہ کے موقع پر وزیراعظم کو سیلاب سے نقصانات اور ریلیف اور بحالی کے اقدامات سے آگاہ کیاگیا، وزیراعظم سیلاب سے متاثرہ بزرگ افراد سے گلے ملے، متاثرین نے نم آنکھوں کیساتھ ہمدردی پر وزیراعظم کا شکریہ اداکیا اور کہا کہ وہ پہلے وزیراعظم ہیں جو مشکل کی اس گھڑی میں ان کیساتھ ہیں، وزیراعظم نے اس موقع پر این ڈی ایم اے، پی ڈی ایم اے اور وزرا کی جانب سے متاثرہ افراد کی بحالی اور فوری ریلیف یقینی بنانے کیلئے انکی کاوشوں کو سراہااورکہا کہ چیف آف آرمی سٹاف جنرل قمر جاوید باجوہ سے بات چیت ہوئی ہے کہ افواج پاکستان کی فیلڈ فارمیشن ہر جگہ موجود ہیں و ہ اس میں تعاون کریں جس پر آرمی چیف نے کہا یہ قومی ذمہ داری ہے اس میں مکمل تعاون کرینگے۔
اسلام آباد وفاقی وزیر اطلاعات و نشریات عطاءاللہ تارڑ نے کہا ہے کہ سوشل میڈیا پر سب سے بڑا چیلنج جعلی خبریں...
اسلام آباد رواں مالی سال 2023-24کی دوسری سہ ماہی میں اقتصادی شرح نمو کم ہو کر ایک فیصد پر آگئی جو پہلی سہ ماہی...
اسلام آباد پنجاب حکومت نے غیر قانونی طور پر جنگلی حیات رکھنے کے خلاف صوبے بھر میں کریک ڈاؤن کا آغاز کر...
کراچی انجمن ترقی اردو پاکستان کے صدر اور وفاقی اردو یونیورسٹی کی سینٹ کے رکن واجد جواد نے یونیورسٹی کی جانب...
اسلام آباد اسٹیٹ بینک آف پاکستان نے ملک بھر کے بینکوں اور اسٹیٹ بینک کی برانچوں کو ہدایت کی ہے کہ وہ اپنی...
کراچی قومی کرکٹ ٹیم کے سابق کپتان سرفراز احمد جمعہ کو ”جیونیوز“ کے شو ”ہنسنا منع ہے“ کے مہمان ہوں گے۔...
اسلام آباد وزیر داخلہ محسن نقوی نے کہا ہے کہ دہشتگردی کیخلاف جنگ میں خیبر پختونخوا فرنٹ فٹ پر ہےسی ٹی ڈی نے...
کراچی سندھ حکومت نے 4 اپریل جمعرات کو صوبے بھر میں عام تعطیل کا اعلان کیا ہے،سندھ حکومت کی جانب سے جاری نوٹی...