سینئر مینجمنٹ کورس افسران کا سی ڈی اے ہیڈ کوارٹرز کا دورہ

اسلام آباد (نیوز رپورٹر) 31سینئر مینجمنٹ کورس کے افسران نے جمعرات کو سی ڈی اے ہیڈ کوارٹرز کا دورہ کیا۔ چیئرمین عامر علی احمد نے جاری ترقیاتی منصوبوں بارے آگاہ کرتے ہوئے کہا کہ بہتر مالیاتی انتظام اور محصولات کی بہتر انداز سے وصولی کے اقدامات سے سی ڈی اے ایک منافع بخش ادارہ بن چکا ہے۔ شہر کے انفرا سٹرکچر کو مزید بہتر بنانے کیلئے کام جاری ہے۔ دریں اثناءپاکستان انسٹی ٹیوٹ آف ڈیولپمنٹ اکنامکس کے وائس چانسلر اور انکی ٹیم نے بھی چیئرمین سی ڈی اے عامر علی احمدسے ملاقات کی۔