محمد بن قاسم سے قائداعظم تک کے عنوان سے تصویری نمائش

راولپنڈی( خصو صی رپورٹر) پنجاب آرٹس کونسل میں پاکستان کی ڈائمنڈجوبلی کے حوالے سے محمد بن قاسم سے قائداعظم تک"کے عنوان سے تصویری نمائش کا انقعاد کیا گیا۔ نمائش کا افتتاح ناہید منظور نے ڈائریکٹر آرٹس کونسل وقار احمد کے ہمراہ کیا۔نمائش میں محمد عظیم اقبال کے بنائے گئے فن پارے رکھے گئے ہیں۔ناہید منظور نے خطاب کرتے ہوئے کہا کہ فنون لطیفہ اپنے جذبات کے اظہار کا بہترین ذریعہ ہے۔ ڈائریکٹر آرٹس کونسل وقاراحمد کا کہنا تھا کہ پاکستان کا آرٹ اسلام اور جغرافیہ پر مبنی رہاہے۔