شہداء پیکیج اور تنخواہوں میں اضافے کی کوشش کی جائیگی ، پارلیمانی سیکرٹری مواصلات

راولپنڈی (سٹاف رپورٹر) یو م شہدائے پولیس کے موقع پر موٹر وے پولیس لائنز ہیڈ کوارٹر میں تقریب کا انعقاد کیا گیا۔مہمان خصوصی پارلیمانی سیکرٹری برائے وزارت مواصلات شاہد ہ اختر تھیں۔تقریب سے قبل شاہد ہ اختر اور خالد محمود نے یاد گار شہداء پرپھول چڑھائے اور شہداء کی درجات کی بلندی کیلئے دعا کی۔شرکاء سے خطاب کرتے ہوئے پارلیمانی سیکرٹری برائے وزارت مواصلات شاہد ہ اختر نے کہا کہ موٹروے پولیس کے شہداء نے اپنی جانو ں کے نذرانے پیش کر کے ایثار، قربانی اور بہادری کا عملی نمونہ پیش کیا ہے۔ شہداء کے خاندانوں کی دیکھ بھال ہم سب کی اوّلین ترجیح ہے۔ انہوں نے کہاکہ شہداء پیکج اور تنخواہوں میں اضافے کے دیرینہ مسئلے کے حل کیلئے کوشش کروں گی۔شرکاء سے خطاب کرتے ہوئے انسپکٹر جنرل خالد محمو نے کہا کہ موٹروے پولیس کے 45افسران نے جام شہادت نوش کیا ہے جن میں ایک خاتون پولیس آفیسر بھی شامل ہے ۔