جاوید اقبال کی کتاب خطہ پوٹھوہار پر جامع دستاویز ہے، راجہ ظفر الحق

اسلام آباد(خصوصی نامہ نگار) پاکستان مسلم لیگ(ن) کے چیئرمین راجہ ظفر الحق نے کہا ہے کہ مصنف و محقق جاوید اقبال (مرحوم) کی کتاب" آرزو شہر راولپنڈی " ایک مکمل اور جامع دستاویز ہے جسے ریفرنس بک کے طور پر استعمال کیا جا سکتا ہے۔نیشنل پریس کلب میں تقریب رونمائی سے خطاب کرتے ہوئے راجہ ظفر الحق نے کہا کہ یہ کتاب خطہ پوٹھوہار اور راولپنڈی پر ایک جامع دستاویز ہے۔ مصنف کے بھائی ڈاکٹر شاہد محمود نے کتاب کا تعارف پیش کیا ۔ پی ایف یو جے کے صدر افضل بٹ نے کہا کہ جس طرح جاوید اقبال نے علم کے چراغ جلائے ہیں وہ قابل تحسین ہیں۔صدر این پی سی انور رضا نے بھی خطاب کیا ۔