اسلام آباد (محمد صالح ظافر/ خصوصی تجزیہ نگار) جس قومی اسمبلی کو دھتکار کر عمران خا ن اور تحریک انصاف کے ارکان روتے گاتے چار ماہ قبل نکلے تھے اور پراسرار طور پر وہاں سے مستعفی ہوگئے تھےجمعرات کو دوبارہ اس کی دہلیز پر پہنچ گئے وہ الیکشن کمیشن کےخلاف رونا دھونا کرنے آئے تھے۔ تحریک انصاف کے 121؍ ارکان نے احتجاجاً استعفی دیا تھا آج شاہراہ آئین پر پہنچے اس کے ارکان کی تعداد پچاس کے لگ بھگ تھی جس سے کم از کم یہ عیاں ہوگیا کہ عمران خان کے کم از کم ستر ارکان قومی اسملی کوان سےخاطر خواہ دلچسپی باقی نہیں رہ گئی استعفوں کی تصدیق کا مرحلہ آتا ہے تو اس میں عمر ان کے لئے خفت کا بہت سامان موجود ہے۔ اسے عمران خان کی چابکدستی کہا جاسکتاہے یا عیاری قرار دیا جاسکتا ہےکہ انہیں جس ادارے یا دفتر سے باز پرس کا اندیشہ ہو وہ اس کے خلاف دشنام و الزام کا بازار گرم کردیتے ہیں،الیکشن کمیشن کئی مہینوں سے ان کے نشانے پر ہے۔ جمعرات کو وفاقی دارالحکومت سمیت اہم شہروں میں ان کی احتجاجی پکنک کا رنگ اس قدر پھیکا تھا اس میں موجود افراد بھی ہراساں دکھائی دیئے الیکشن کمیشن نے جس پامردی سے عمران کی دھمکیوں، گالیوں، الزامات اور دیگر خرافات کا مقابلہ کیا ہے وہ ملکی تاریخ میں اداروں کی اور اولولعزمی کی شاندار تاریخ رقم کرگیا ہے۔ عمران خان نے جو باتیں اپنے محدود اجتماعات میں کی ہیں اور بالخصوص جس طور پر عمران نے اپنی ’’نشری تقریر‘‘ میں جو مقدمہ پیش کیا ہے وہ بے اثر اور بے کار ہے اگر ان کی بات میں کوئی دم ہے تو وہ عدالت کے روبرویہ باتیں کریں اورانصاف حاصل کریں یا پھر الیکشن کمیشن کی چوکھٹ پر حاضری دیں۔اب وفاقی کابینہ نے فیصلہ کیا ہے کہ عمران خان کی نا اہلی کو یقینی بنانے کے لئے وہ عدالت عظمی سے رجوع کرے گی کوئی معجزہ ہی انہیں میدان سیاست سے بے دخل ہونے سے بچاسکے گا۔ پی ڈی ایم پہلی مرتبہ الیکشن کمیشن پر دستک دے ر ہی ہے تاکہ عمران خان کو نااہل قرار دلوایا جاسکے۔پارلیمنٹ کے دونوں ایوانوں نے نیب کے ظالمانہ اور مجرمانہ قانون کو حد اعتدال پر لانے کے لئے اس میں بعض اہم ترامیم منظور کرلی ہیں جو صدارتی توثیق کے بعد قانون کا درجہ حاصل کرلیں گی۔ صدر عارف علوی نیب قانون میں ترمیم پر توثیقی دستخط کریں گے اس میں اپنی عادت کے مطابق وہ تاخیر روا رکھیں گے تو بھی یہ قانون نافذ ہو کر رہے گا۔ وفاقی وزیرداخلہ ر انا ثناء اللہ خان کا یہ مطالبہ صد فیصد درست ہے کہ صدر علوی کو الیکشن کمیشن کے فیصلے کے پیش نظر فوراً اپنے عہدے سے استعفی دیدینا چاہئے۔قومی مفادات کو جس قدر تحریک انصاف کے اقتدار میں عمران نے گزند پہنچائی ہے اسے ملکی تاریخ میں بدترین سیاہ باب کے طور پر یاد رکھا جائے گا۔
اسلام آبادسپریم کورٹ نے بلوچستان اسمبلی کے حلقہ پی بی 51 چمن کے 12 پولنگ اسٹیشنوںپر دوبارہ ووٹنگ کا الیکشن...
بیجنگ چین کی وزارت تجارت کے ترجمان نے چین کے خلاف امریکی سیکشن 301 کی تحقیقات کے آغاز پر ایک بیان دیا۔ امریکی...
اسلام آباد راولپنڈی چیمبر آف کامرس اینڈ انڈسٹریز کے صدر ثاقب رفیق نے کہا ہے کہ حکومت ٹیکس وصولی میں پائے...
کراچی تحریک انصاف کے رہنما ولید اقبال نے کہا ہے کہ 8سے 10 دِن لیہ اور کوٹ لکھپت جیل میں گزار چکا ہوں۔ بانی پی ٹی...
کوئٹہ،ہرنائی،اسلام آباد ، اندرون بلوچستان مختلف علاقوں میں طوفانی بارشوں کا سلسلہ جاری ہےچمن میں سیلاب میں...
اسلام آباد وفاقی وزیر اطلاعات و نشریات عطاءاللہ تارڑ نے کہا ہے کہ 9 مئی کے حملہ آور آج ملکی مفاد پر حملہ...
اسلام آباد وزیر مملکت برائے آئی ٹی و ٹیلی کمیونیکیشن شزہ فاطمہ خواجہ نے کہا ہے کہ پاکستان ڈیجیٹل ترقی کی...
اسلام آباد احتساب عدالت اسلام آباد کے جج ناصرجاوید رانا نے وزیر اعلیٰ سندھ مرادعلی شاہ اور دیگر کیخلاف...