کورونا ،مزید 4مریض جاں بحق 160 کی حالت تشویشناک

اسلام آباد،لاہور( جنگ نیوز،خصو صی نمائندہ) مہلک عالمی وبا کورونا وائرس کے باعث ملک بھر میں 4افراد دم توڑ گئے۔ گذشتہ چوبیس گھنٹوں میں789نئے کیسز رپورٹ ہوئے ۔ قومی ادارہ برائے صحت کے جاری کردہ تازہ ترین اعدادوشمار کے مطابق ملک بھر میں کورونا چار جانیں لے گیا جس کے باعث کل اموات 30503ہو گئیں،مزید 789کیسز رپورٹ ہونے کے بعد مصدقہ کیسز 1557134ہوگئے ۔ گذشتہ چوبیس گھنٹوں میں 21741نئے ٹیسٹ کئے گئے ،460افراد صحت یاب ہو گئے ،160 مریضوں کی حالت تشویشناک ہے ۔این آئی ایچ کے مطابق گزشتہ 24 گھنٹوں کے دوران ملک میں کورونا وائرس کے مثبت کیسز کی شرح63.3 فیصد ریکارڈ کی گئی۔ترجمان محکمہ صحت کے مطابق گزشتہ 24 گھنٹوں کے دوران پنجاب میں کورونا کیسز 440 نئے کیسز سامنے آئے ہیں۔