عمران خان نے فارن فنڈنگ حاصل کرکے سیاسی تحریک شروع کی،احسن اقبال

05 اگست ، 2022

اسلام آباد(کامرس رپورٹر )وفاقی وزیر منصوبہ بندی احسن اقبال نے کہا کہ چیئرمین تحریک انصاف عمران خان نے فارن فنڈنگ حاصل کرکے سیاسی تحریک شروع کی ، عمران خان ملک کا خزانہ خالی کرکے معیشت کو تباہ کردیا ،‏عمران خان نے فنڈنگ کیس 8 سال تک التوا میں رکھنے کی کوشش کیوں کی؟ ‏‏عمران خان نے آئین وقانون کی خلاف ورزی کی۔چیئرمین پی ٹی آئی کوتمام جرائم پر آئین اور قانون کا سامنا کرنا پڑیگا ، پاکستان کو ایک نئے ہٹلر کا یرغمال نہیں بننے دینگے،جمعرات پریس کانفرنس سے خطاب کرتے ہوئے احسن اقبال نے عمران خان کے خطاب پر ردعمل دیتے ہوئے کہا کہ عمران خان اگر صاف اور شفاف تھے تو 8 سال تک اس مسئلے کو طول نہ دیتے، فارن فنڈنگ کیس میں اگر کچھ نہیں تھا تو 8 سال تک آپ نے تاخیری حربے کیوں استعمال کئے ،بلوچستان اور خیبرپختونخوا کے سیلاب زدگان کیلئے آپ کے دل میں کوئی ہمدردی نہیں ہے ، عمران خان نے جب اپریل میں حکومت چھوڑی تو پاکستان کے سری نکا جیسے حالات کی باتیں ہو رہی تھیں ، عمران خان نے کشمیر کا سودا کیا۔