قیام امن کیلئےجان قربان کرنیوالےپولیس شہداکوقوم کاسلام

05 اگست ، 2022

لاہور(مانیٹرنگ سیل)ملک بھرمیں گزشتہ روز یوم شہدائے پولیس نہایت ہی عقیدت واحترام کے ساتھ منایا گیا قیام امن کیلئےجان قربان کرنیوالےپولیس شہداکوسلام پیش کیاگیا،اس سلسلہ میں میں مختلف مقامات پر اور پولیس دفاتر میں تقریبات انعقاد پذیر ہوئیں جس میں شہدائے پولیس شہدا کے درجات بلندی کیلئے فاتحہ خوانی اور شمعیں روشن کی گئیں۔پاکستان پیپلزپارٹی کے چیئرمین پیپلز پارٹی اوروزیر خارجہ بلاول بھٹو زرداری نے کہا ہے کہ پولیس کے جوان اس دھرتی پر رہنے والوں کے محافظ ہیں۔بلاول ہائوس میڈیا سے یوم شہدائے پولیس کے موقع پرجاری پیغام میں عوام کی حفاظت کے لئے جام شہادت نوش کرنے والے جوانوں کو خراج عقیدت پیش کرتے ہوئے چیئرمین پیپلز پارٹی، وزیر خارجہ بلاول بھٹو زرداری نے کہا کہ فرض شناسی کے لئے اپنی تمام توانائیاں صرف کرنے والے پولیس اہل کاروں اور افسران کو شاباش دیتے ہیں۔