گورنر پنجاب کی عدم دستیابی، 21رکنی صوبائی کابینہ کل حلف اٹھائے گی

لا ہور(نمائندہ خصوصی) گورنر پنجاب بلیغ الرحمن کی آج عدم دستیابی کے باعث پنجاب کی اکیس رکنی صوبائی کابینہ کی حلف برداری کی تقریب نہیں ہوگی اب کابینہ کل ہفتہ کو دن گیارہ بجے حلف اٹھائے گی۔ سابق گورنر عمر سرفراز چیمہ کو وزیر اعلیٰ پنجاب کا مشیر اطلاعات مقرر کر دیا گیا ہے وزراء کو محکمے الاٹ کر دئیے گئے ہیں، ، کابینہ زیادہ تر تجربہ کار پارلیمانی اراکین پر مشتمل ہے ، یاسمین راشد، میاں اسلم اقبال ،میاں محمود الرشید ،مراد راس ، علی افضل ساہی اور لطیف نظر، راجہ بشارت ، نوابزداہ منصور ،سردار محسن لغاری،غضنفر عباس چھینہ،سردار شہاب الدین ،سردار حسنین بہادر دریشک،عنصر مجید نیازی ، ملک تیمو ر، منیب چیمہ، علی عباس شاہ ، سردار ہاشم ڈوگر، سردار آصف نکئی ، راجہ یاسر ہمایوں ،خرم شہزاد ورک ،حسین جہانیاں گردیزی کابینہ میں شامل کیے گئے ہیں،عثمان بزدار پارلیمانی لیڈر ہوں گے ، عمران خان نے وزرا سے ویڈیو لنک خطاب کیا، ایوان وزیراعلیٰ میں وزیراعلیٰ چودھری پرویز، چودھری مونس الٰہی اور کابینہ میں شامل ہونے والے بیس نامزد وزراءنے شرکت کی لیکن حسین جہانیاں گردیزی شریک نہ ہوسکے۔