حکومت متاثرہ کاروباروں کوعبوری ریلیف دے:وفاقی چیمبر

05 اگست ، 2022

اہور(اپنے نامہ نگار سے )صدرایف پی سی سی آئی عرفان اقبال شیخ نے حکومت سے مطالبہ کیا ہے کہ اس سال یوم آزادی کو کفایت شعاری کے ساتھ منایا جائے اور فنڈز کو سیلاب متاثرین کی امدادی کارروائیوں اور متاثرین کی بحالی کی طرف منتقل کیا جا ئے۔ صرف بلوچستان میں 500 سے زائد افراد بارشوں اور اس کی وجہ سے آنے والے سیلاب کی وجہ سے اپنی جانو ں سے ہاتھ دھو بیٹھے ہیں۔ حکومت ملک بھر میں متاثرہ کاروباروں کو اپنا کام دوبارہ شروع کرنے اور معمول کے مطابق روزگار کے مواقع فراہم کرنے کے لیے عبوری ریلیف فراہم کرے۔ان امدادی اقدامات میں یوٹیلیٹی بلوں کی معافی،ٹیکسوں میں نرمی اور کاروباری قرضوں کی ری اسٹرکچرنگ شامل ہو سکتی ہے۔ حکومت فنڈز کو کفایت شعاری سے بچائے اور انہیں ریسکیو آپریشنز اور خوراک اور طبی سامان کی طرف استعمال کرے۔