ایل ڈی اے:جاری ترقیاتی منصوبے جلد مکمل کرنے کی ہدایت

لاہور(خبرنگار) ایل ڈی اے کے ڈائریکٹرجنرل عامر احمد خان کی زیرصدارت شہر میں جاری میگا پراجیکٹس کا جائزہ لینےکیلئے اجلاس ہوا۔ انہوں نے کہا کہ شہر میں جاری ترقیاتی منصوبے جلد مکمل کرنے کی ہدایت کی اورکہا کہ ترقیاتی کاموں کے معیار اورشفافیت پر کوئی سمجھوتہ نہ کیاجائے ۔ٹریفک روانی بہتر بنانے کیلئے مزید منصوبے شروع کئے جائیں گے۔ چیف انجینئر ٹو مظہر حسین نے بتایا کہ داتا گنج بخش فلائی اوور کا کام تکمیل کے آخری مراحل میں ہے اورمنصوبے کا97 فیصد کام مکمل ہو چکا ہے۔ سگیاں روڈامپرومنٹ پراجیکٹ پر تیزی سے کام جاری ہے ۔ فیروز پورروڈ پر لاہور برج کی توسیع پرکام جاری ہے ۔ منصوبے کا75فیصد کام مکمل ہو چکا ہے۔ لاہور برج کی توسیع سے فیروز پورروڈ پر ٹریفک روانی میں بہتری آئیگی۔ شہر میں ٹریفک کے شدید دباؤ پیش نظر ملتان روڈ پر سمن آباد چوک میں بھی انڈر پاس بنایاجائیگا۔