غیر قانونی سروس سٹیشن مسمار ، متعد د کمرشل عمارتیں بھی سربمہر

لاہور( خبرنگار )ایل ڈی اے کے ڈائریکٹر جنرل عامر احمد خان نے کہا ہے کہ ایل ڈی اے کی حدود میں غیرقانونی تعمیرا ت کو برداشت نہیں کیاجائیگا اوران کے خلاف بھرپور آپریشن جاری رہیگا۔ڈی جی کی ہدایت پر ٹاؤن پلاننگ زون ون نے گلشن راوی، فیروزپور روڑ اور ایل ڈی اے کنٹرول ایریا میں غیرقانونی، بغیر نقشہ منظوری اور منظور شدہ نقشہ کی خلاف ورزی کرتے ہوئے بنائی جانے والی عمارتیں مسمار اورسربمہرکردیں۔ گلشن راوی میں غیر قانونی تعمیرات، نقشہ کی منظوری کے بغیر جاری3 غیرقانونی تعمیرمسمار کردیں۔ گلشن راوی میںمتعد د غیرقانونی کمرشل عمارتیں بھی سربمہرکر دی گئیں۔ فیروزپور روڑ پر زم زم پلازہ میں نقشہ کے خلاف بنائی جانیوالی تعمیر ات سربمہرکر دی گئیں اورپلاٹ مالکان کے خلاف مقدمہ کی درخواست بھی جمع کر ادی گئی۔ کینال روڈ پر غیر قانونی سروس سٹیشن مسمار کر دیاگیا۔