شدید بارشوں سےریلوےشیڈول درہم برہم،ٹرینیں لیٹ

لاہور(خصوصی نمائندہ)ملک بھر میں مون سون کی شدید بارشوں کے باعث پاکستان ریلوے کے نیٹ ورک پر چلنے والی مسافر ٹرینوں کا شیڈول درہم برہم ہو کر رہ گیا ۔ لاہور سے کراچی جانے والی پاک بزنس ایکسپریس منسوخ کر دی گئی ۔ٹرینوں کی تاخیر کی وجہ سے مسافروں کو شدید دشواری کا سامنا ہے گزشتہ روز کراچی سے لاہور آنے والی پاک بزنس ایکسپریس 9 گھنٹے، قراقرم ایکسپریس4 گھنٹے 50منٹ ،شاہ حسین ایکسپریس 4 گھنٹے 20منٹ ،علامہ اقبال ایکسپریس 4 گھنٹے ، گرین لائن ایکسپریس 4 گھنٹے ،کراچی براستہ فیصل آباد راولپنڈی ۔پشاور کے درمیان رحمان بابا ایکسپریس3 گھنٹے ،عوام ایکسپریس 3 گھنٹے ،ملت ایکسپریس 3 گھنٹے ،کوئٹہ سے لاہور آنے والی جعفر ایکسپریس 3 گھنٹے ، کراچی ایکسپریس 3 گھنٹے، تیزگام2 گھنٹے30منٹ ، سر سیدایکسپریس 2 گھنٹے ،خیبر میل 1گھنٹہ40منٹ ، فرید ایکسپریس1 گھنٹہ تاخیر کا شکار رہی ۔