کوٹری،سڑک کنارے دھماکا بم نصب کرنے والا ہلاک ہو گیا

کوٹری (جنگ نیوز)سندھ کے ضلع جامشورو کے تعلقہ کوٹری میں سڑک کنارے بم دھماکا ہوا ہے جس میں بم نصب کرنے والا ہی ہلاک گیا۔پولیس کے مطابق کوٹری میں ایک شخص ڈپٹی کمشنر کے پرانے آفس کے سامنے بم نصب کر رہا تھا کہ دھماکا ہو گیا۔دھماکے سے بم نصب کرنے والا ہی مارا گیا، بم ڈسپوزل اسکواڈ کے مطابق دھماکا موبائل بم ڈیوائس کا تھا۔پولیس کے مطابق شواہد اکٹھے کر کے واقعہ کی مزید تحقیقات کی جا رہی ہے۔