شیخوپورہ، ملازمت چھوڑنے پر مشتعل زمیندار نے ملازم کو قتل کردیا

شیخوپورہ( نمائندہ جنگ )سچاسودا سانگلا ہل روڈ کی آبادی چک جید میں ملازمت چھوڑ کر جانے سے مشتعل ہو کر زمیندار نےولایت نامی ملازم کو واپس لاکر موت کی نیند سلا دیاجس کی لاش دو دن بعدزمیندارکے ڈیرہ کے قریب گوبر میں پڑی پائی گئی، صدر آباد پولیس نے لاش کو قبضے میں لے کر ضروری کارروائی شروع کر دی جبکہ مقتول کے بیٹےمحمد تعظیم کی درخواست پرزمیندار صدیق سمیت تین افراد کے خلاف مقدمہ درج کرلیا گیا۔ بتایا گیا ہے کہ مقتول 50من سالانہ گندم لینے کے معاوضہ پر ملازمت کرتا تھا ،مالک اس سے اکثر ناروا سلوک کرتے تھےجس سے تنگ آ کر اس نے ملازمت چھوڑ دی، تاحال کسی گرفتاری کی اطلاع نہیں۔