اوکاڑہ ، فیصل آباد ، ذہنی معذوری، گھریلو جھگڑے پر 2 افراد کی خود کشی

اوکاڑہ،فیصل آباد(نمائندگان جنگ) اوکاڑہ اور فیصل آباد میں خراب ذہنی توازن، گھریلو جھگڑا پر 2 افراد نے خود کشی کر لی ،پولیس کے مطابق اوکاڑہ کے نواحی قصبہ 18 ون اے ایل میں 55 سالہ محمد اکرم کا مبینہ طور پر ذہنی توازن درست نہیں تھا اس نے گھر کے باہر باغ میں لٹک کر پھندا لے لیا ڈی پی او حسن اقبال کی ہدایت پر ڈی ایس پی رینالہ ، تھانہ صدر رینالہ کے ایس ایچ او ،کرائم سین اور فرنزک سائنس لیبارٹری کی ٹیموں کے ہمراہ موقع پر پہنچ کر ضروری کارروائی کیلئے شواہد اکٹھے کیے فیصل آبادتھانہ صدر کے چک نمبر232ر ب رسالیوالہ میں 24 سالہ نوجوان فریاد علی نے پولیس ذرائع کے مطابق گھریلو جھگڑے کے بعد اپنے کمرے میں گیا اور سینے میں گولی مار لی ۔