مالی بدعنوانیوں کا مقدمہ، گروہ کے 12 افراد کی املاک کی تلاش شروع

شیخوپورہ (نمائندہ جنگ سے) وفاقی تحقیقاتی ادارہ نے ایف آئی اے کے تھانہ راولپنڈی میں ایک گروہ کے خلاف درج مالی بدعنوانیوں کے مقدمہ کی تفتیش کا دائرہ بڑھا دیا ہے اور بارہ افراد کی ممکنہ منقولہ اور غیر منقولہ املاک کے بارے میں 5 اضلاع راولپنڈی مظفر گڑھ ملتان شیخوپورہ اور فیصل آباد کے کلکٹروں سے رپورٹ طلب کر لی ہے ۔ان افراد میں عمران خان ولد عبدالرؤف خالد ،رؤف محمد ،فرحان ،عاشق حسین ،محمد آصف، محمد واجد، محمد ندیم ،عبدالشہباز، زین العابدین ،سید عباس علی شاہ ،محمد ہمدان سندھو اور سجاد علی شامل ہیں۔