صحافیوں کے حقوق پر کسی قسم کا سمجھوتہ نہیں کیا جائے گا‘ پی ایف یو جے

05 اگست ، 2022

اسلام آباد (نمائندہ جنگ) پاکستان فیڈرل یونین آف جرنلسٹس کے 72 ویں یوم تاسیس کے موقع پر جمعرات کو راولپنڈی اسلام آباد یونین آف جرنلسٹس کے زیراہتمام نیشنل پریس کلب میں خصوصی تقریب کا انعقاد کیا گیا جس میں صحافیوں کی کثیر تعداد نے شرکت کی۔ تقریب سے خطاب کرتے ہوئے مقررین نے اس عزم کا اعادہ کیا کہ صحافیوں کے حقوق پر کسی قسم کا سمجھوتہ نہیں کیا جائے گا‘ صحافیوں کے مسائل کے حل کے لئے مشترکہ جدوجہد جاری رہے گی۔ رواں سال جدوجہد کا سال ہوگا جس میں خاص طور پر صحافیوں کے معاشی مسائل کے حل کے لئے کوششیں کی جائیں گی۔ مقررین نے پی ایف یو جے کے بانی رہنماؤں کی۔ جدوجہد کو بھرپور انداز میں خراج تحسین پیش کیا۔