سیلاب کا بہانہ،سبزی فروشوں نے مصنوعی مہنگائی کر دی

لاہور(اپنے نامہ نگار سے) ملک میں حالیہ تباہ کن بارشوں اور سیلاب کے باعث صوبائی داراحکومت کی مختلف سبزی منڈیوں میں شدید قلت پیدا ہوگئی جس کی وجہ سے سبزیوں کی قیمتیں آسمان کو چھو نے لگی ہیں۔ موجودہ حالات کا فائدہ اٹھاتے ہوئے سبزی فروشوں نے بھی مصنوعی مہنگائی کر دی ہے۔ دھنیا 800 روپے کلو،پیاز 300 روپے کلو ،ٹماٹر 400 روپے کلو فروخت کئے جارہے ہیں جبکہ بند گوبھی ،شملہ مرچ ،ادرک ،لہسن ،میتھی ،سمیت تمام سبزیاں مہنگی ہو گئیں جس سے شہریوں میں پریشانی کی لہر دوڑ گئی ہے۔ منڈی میں متعدد سبزیاں نایاب ہو گئی ہیں۔