پاکستانی حکومت قانون کی حکمرانی یقینی بنائے،امریکی رکن کانگریس

اسلام آباد (خبر نگار) امریکی رکن کانگریس ڈینا ٹائٹس نے پاکستانی حکومت سے قانون کی حکمرانی کو یقینی بنانے کا مطالبہ کر دیا ہے۔ تحریک انصاف کے مرکزی میڈیا ڈیپارٹمنٹ نے ڈینا ٹائٹس کے ٹویٹ کو تشہیر کیلئے میڈیا گروپ میں شیئر کیا ہے جس میں انہوں نے لکھا کہ میں حکومت پاکستان سے مطالبہ کرتی ہوں کہ وہ قانون کی حکمرانی کا احترام کریں اور حکومت اپنے شہریوں کے انسانی حقوق کا تحفظ کرے۔ امریکی رکن کانگریس ڈینا ٹائٹس نے اپنی ٹویٹ میں مزید لکھا کہ پاکستان تباہ کن سیلابی صورتحال سے دوچار ہے ، ہمیں جمہوریت کے اصولوں کے تحفظ کو یقینی بنانے کیلئے زور دینا چاہئے۔