مقبوضہ کشمیر میں بھارتی فوج کی ریاستی دہشتگردی ،3نوجوان شہید

سربنگر (جنگ نیوز) مقبوضہ کشمیر میں بھارتی فوج کی ریاستی دہشتگردی نہ تھم سکی، کشمیری میڈیا کے مطابق منگل کے روز غاصب بھارتی فوج نےوادی کے ضلع شوپیاں میں اپنی ریاستی دہشت گردی کی تازہ کارروائی کے دوران3بیگناہ کشمیری نوجوانوں کو شہید کر دیا۔بھارتی فوجیوں نےتینوں نوجوانوں کو دانش خورشید بٹ، تنویر وانی اور توصیف بٹ کے ناموں سے شناخت کیا، جنہیں ضلع شوپیاں کے علاقے ناگبل میں محاصرے اور تلاشی کی کارروائی کے دوران فائرنگ کا نشانہ بنایا گیا۔آخری اطلاعات آنے تک فورسز کا آپریشن جاری تھا۔