عالمی سطح پر خوراک کا بحران دستیابی کی بجائے مہنگائی کی وجہ سے ہے، اقوام متحدہ

کراچی (نیوز ڈیسک) اقوام متحدہ کے ایک عہدیدار کا کہنا ہے کہ عالمی سطح پر خوراک کا بحران دستیابی کی بجائے قیمتوں میں اضافے کی وجہ سے ہے۔انہوں نے کہا کہ خوراک تو دستیاب ہے مگر قیمت بہت زیادہ ہے۔ اقوام متحدہ کے ورلڈ فوڈ پروگرام کے چیف اکنامسٹ عارف حسین نے کہا ہے کہ یوکرین اور روس کے درمیان جنگ جاری رہنے سے اشیائے خوردونوش کی قیمتوں میں اضافے کا سلسلہ برقرار رہے گا۔ ایک انٹرویو میں انہوں نے کہا کہ یوکرین تنازع کے باعث سپلائی لائن متاثر ہونے اور موسمیاتی تبدیلیوں کے نتیجے میں اشیائے خوردنوش کی قیمتوں میں کمی آنا ممکن نہیں۔