وزارت داخلہ نے ویزا کی مدت ختم غیر ملکیوں کیلئے ایمنسٹی پالیسی کا اعلان کر دیا

کراچی (اسد ابن حسن) وفاقی حکومت کی منظوری سے وفاقی وزارت داخلہ کا ویزا ختم ہو جانے کے باوجود پاکستان میں مقیم غیرملکیوں کے لئے ایمنسٹی اسکیم کا اعلان کر دیا ہے۔ اسکیم کے تحت زائد المیعاد ویزاکے حامل غیرملکی 31 دسمبر 2022 تک پاکستان چھوڑسکتے ہیں۔ اسکیم کے تحت31 دسمبر تک مذکورہ غیرملکی اووراسٹے چارجز اور جرمانے سے مستنشی ہوں گے۔ اووراسٹے غیرملکی پاکستان آن لائن ویزا سسٹم پورٹل سے ایگزٹ پرمٹ حاصل کر سکتے ہیں۔ اووراسٹے بھارتی اورصومالی شہریوں کوایگزٹ پرمٹ کے لئے وزارت داخلہ میں درخواست پیش کرنا ہو گی۔ ایمنسٹی اسکیم سے استفادہ کرنے والوں کے خلاف کوئی قانونی کارروائی نہیں کی جا ئے گی۔ 31 دسمبر کے بعد اوور اسٹے غیرملکی کے خلاف کارروائی سمیت پاکستان آمد کے لئے بلیک لسٹ کر دیا جائےگا۔