راولپنڈی (اے پی پی) لاہور ہائیکورٹ راولپنڈی بینچ نے عمران خان اور فوادچوہدری کو الیکشن کمیشن کی طرف سے جاری شوکاز نوٹس معطل کردیئے، آئینی کیس کی مزید سماعت کیلئے تین رکنی لارجر بینچ تشکیل دے دیا گیا ہے جو 29ستمبر کو سماعت کرے گا ۔بدھ کو لاہور ہائیکورٹ راولپنڈی بینچ کے سنیئر جج جسٹس جواد حسن نے درخواستوں پر سماعت کی، عمران خان اور فواد چودھری کی طرف سے بابر اعوان اور فیصل چوہدری عدالت میں پیش ہوئے۔ عمران خان اور فواد چوہدری سے متعلق الیکشن کمیشن کے شوکاز نوٹس کے معاملے پر تشکیل دیے گئے، لارجر بینچ میں شامل جسٹس جواد الحسن، جسٹس صداقت علی خان اور جسٹس مرزا وقاص رؤف 29 ستمبر کو کیس کی سماعت کریں گے۔