اسلام آباد (ایجنسیاں)وزیر داخلہ رانا ثنا اللہ نےایک بار پھر تحریک انصاف کے چیئرمین عمران خان کو تنقید کا نشانہ بناتے ہوئے واضح کیا ہے کہ اس پاگل اور احمق شخص سے کوئی بات نہیں ہو سکتی،توشہ خانہ کیس میں چور رنگے ہاتھوں پکڑا گیا ہے‘عمران خان نے 26 کروڑ کا فراڈ کیا، سونے کے قلم چرائے ہیں‘شوکت خانم اسپتال اور نمل یونیورسٹی کے اکائونٹس کی پڑتال کریں تو اس میں بھی عمران خان کی چوری پکڑی جائے گی‘عمران خان نے توہین عدالت کی جو ثابت ہے‘ اب عمران خان معافی مانگ لے گا تو وہ توہین عدالت ختم تو نہیں ہوگی‘اسلام آباد کے داخلی راستے کسانوں کے احتجاج کی وجہ سے بند کیے گئے ہیں، احتجاج عمران خان کا آئینی حق ہے ، ایف نائن پارک میں احتجاج کریں‘مارچ کے شرکا ءنے اگر ڈی چوک آنے کی کوشش کی تو دھونی دیں گے‘جو صوبے عمران خان کے لانگ مارچ کو سپورٹ کریں گے وہ آئین کی صریحا خلاف ورزی کریں گے اور ایسے میں وفاقی حکومت آئین کے مطابق اقدام اٹھائے گی ۔ بدھ کو مشاورتی ورکشاپ سے خطاب کرتےہوئے رانا ثناءکا کہناتھاکہ جو قوم کو گمراہ کر رہا ہوں وہ کسی کا لاڈلا نہیں ہوسکتا۔ انہوں نے کہا کہ علماکرام رہنمائی کریں کہ ٹرانس جینڈر کے بارے میں ہمار امذہب کیا کہتا ہے ،جو دین کہتا ہے اس کے مطابق اپنی زندگیوں کو ریگولیٹ کرنا چاہیے ، اس کے بغیر زندگی گزاریں گے تو کسی طرف کے نہیں رہیں گے۔ انہوں نے کہا کہ جس نے بھی عمران خان کی حمایت کی تھی آج وہ بھی کانوں کو ہاتھ لگا رہے ہیں ،عمران خان کے شر سے کوئی بھی محفوظ نہیں ہے،قوم نہ سمجھی تو پھر ہمارا حال بھی اسی قوم کا ہوگا جس نے 50 سال غلامی کاٹی ہے۔
ملتان پنجاب بھر میں انٹر سالانہ امتحان پارٹ فرسٹ 2024ءایک ساتھ 7مئی سے شروع ہوگا،رولنمبر سلپس کے حصول کے لیے...
اسلام آباد عوام میں مالیاتی اور زرعی آگاہی کے فروغ کیلئے زرعی ترقیاتی بینک نے ملک میں مالیاتی میلے منعقد...
مظفرگڑھ صوبائی اسمبلی کے حلقہ پی پی 269 کے ضمنی انتخاب کے لیے کاغذات نامزدگی جمع کروانے والے 5 امیدواروں نے...
کراچی سینیٹر فیصل واڈا نے سپریم کورٹ کے رجسٹرار کو ایک خط لکھا ہے جس میں مطالبہ کیا گیا ہے کہ جسٹس بابر ستار...
راولپنڈی چیئرمین پی ٹی آئی بیرسٹر گوہر خان نے کہا ہے کہ پبلک اکاؤنٹس کمیٹی کےلیے آج شیر افضل مروت کا نام...
راولپنڈی سابق وفاقی وزیر فواد چوہدری نے کہا ہے کہ پی ٹی آئی چھوڑی نہیں، چھوڑ کر جانے والے واپس آ جاتے ہیں،پی...
اسلام آباد گیس کی اوسط لاگت کا نفاذ، گھریلو صارفین کے اوسط ٹیرف بڑھ جائینگے، بجلی، صنعتی اور کمرشل کیلئے...
کراچی پی سی بی چیئرمین محسن نقوی نے کہا ہے کہ بھارت کےچیمپئنز ٹرافی میں نہ آنے کی کوئی وجہ دکھائی نہیں دیتی...