KP،سیلاب زدگان کیلئے سرکاری ملازمین کی تنخواہ سے کٹوتی ہائیکورٹ میں چیلنج

پشاور(نمائندہ جنگ ) خیبرپختونخوا صوبائی حکومت کی جانب سے سیلاب زدگان کی مدد کے لئے سرکاری ملازمین کی ماہ ستمبر کی تنخواہ سے کٹوتی کے اعلامیہ کو پشاور ہائیکورٹ میں چیلنج کردیا گیا ۔ اعلامیہ آل گورنمنٹ ایمپلائز گرینڈ الائنس خیبر پختونخوا کے عہدیداروں ریاض خان ، محمد شاہ باچہ اور وزیر زادہ وغیرہ نے رحمان اللہ ایڈووکیٹ کی وساطت سے چیلنج کیا ہے ۔ درخواست گزاروں نے رٹ میں موقف اختیار کیا کہ حالیہ سیلاب میں سرکاری ملازمین نے اپنی مدد آپ کے تحت حسب استطاعت سیلاب زدگان کی مدد کی تاہم حالیہ سیلاب سے ملاکنڈ ڈویژن سمیت چارسدہ ، نوشہرہ ڈیرہ اسماعیل خان اوردیگر علاقوں میں جہاں عام لوگ متاثر وہاں پر ہزاروں کی تعداد میں سرکاری ملازمین کو بھی مالی اور جانی نقصان پہنچا۔