ایم کیو ایم کی جانب سے امدادی سامان کی تقسیم جاری

کراچی(اسٹاف رپورٹر)متحدہ قومی موومنٹ پاکستان کے کنوینر ڈاکٹر خالد مقبول صدیقی کی ہدایت پرسندھ بھر میں حالیہ بارشوں سے متاثرہ افراد کیلئے امداد ی سامان ان تک پہنچانے کا عمل جاری ہے۔اس سلسلے میں ڈسٹرکٹ سانگھڑ کے علاقے سنجھورو، گوٹھ لنڈو اور گھارو ، گجو شیخ مجیبسمیت کئی علاقوں میں ایم کیو ایم پاکستان کے ذیلی ادارے خدمت خلق فائونڈیشن کی جانب سے متاثرین میں امدادی سامان تقسیم کیا گیا، سامان میں اجناس، خشک دودھ، جوس، بسکٹ، منرل واٹر، نئے کپڑے اور دیگر اشیاء شامل ہیں ۔ اس موقع پرمتاثرین نے ایم کیو ایم پاکستان کے خدمت خلق کے جذبے کو سراہتے ہوئے نیک تمناؤں کا اظہار کیا اور شکریہ ادا کیا۔اس موقع پر جوائنٹ ڈسٹرکٹ آرگنائزر سانگھڑ انورعلی شیخ سنجھورو، ودیگراراکین بھی موجود تھے۔