وزیر اعظم سے ملاقات کے وعدے پر کسان اتحاد نے احتجاج ختم کردیا

22 ستمبر ، 2022

اسلام آباد(نمئندہ جنگ) وزیر اعظم شہباز شریف سے ملاقات کے وعدے پرپاکستان کسان اتحاد نے احتجاج ختم کرنے کا اعلان کر دیا ہے ، مظاہرہ سے اسلام آباد میں ٹریفک متاثر رہی ، انتظامیہ نے کسانوں کو ایف 9پارک جانے پر آمادہ کیا ،پاکستان کسان اتحادکے ایک وفد نے ضلعی انتظامیہ کی کوششوں سے منسٹر کالونی میں وزیر داخلہ رانا ثنا اللہ سے ان کی رہائش گا ہ پر ملاقات کی ، ملاقات میں مذاکرات کامیاب رہے اور پاکستان کسان اتحاد کے رہنماؤں نے اس شرط پر اپنا احتجاج ختم کرنےکے لئے آمادگی ظاہر کی کہ وزیر اعظم کی وطن واپسی پر ان سے ملاقات کا اہتمام کیا جائے گا۔